Aftur til tíðindasavn

EM fyri tey smáu

17 nov 2026

Small Federation Games var spælt á fyrsta sinni í Monako 2007. Í hesum døgum verður kappingin, sum er tann 18. í røðini, spæld í lítla býnum Dubrovnik í Kroatia. Setanin er í dag (17. nov), og byrjað verður at spæla í morgin. Føroyar fóru við í kappingina í 2018. Besta føroyska úrslitið í kappingini kom á Kypros í 2022, tá føroyska liðið vann bronsumerki.

 

Føroyska liðið í Dubrovnik:

 

Pól Egholm - Magni Jøkladal

 

Arne Mikkelsen - Dánjal Pauli Mohr

 

Stutt prát við Arna

Hey Arne. Tú hevur spælt bridge, síðan tú vart stórur smádrongur og hevur vunnið so at siga alt, sum er vert at vinna í føroyskum bridge-kappingum. Harafturat hevur tú spælt flestar landsdystir í bridge fyri Føroyar og ert í løtuni nevndarlimur í FBS. Sig okkum eitt sindur um teg sjálvan, og nær tú byrjaði at spæla bridge!

” Minnist meg rætt, byrjaði eg at spæla bridge í 1990 - lærarin var tann so víðagitni Arnbjørn Sivertsen. Kann minnast at fyrsta kvøldið á bridgeskúlanum var í sonevnda “brúna Skúla” eitt vetrarkvøld - sum nevnt haldi eg tað var í 1990, so eg havi verið 12-13 ára gamal. Um orsøkirnar til eg spæli bridge kann sigast, at eg havi fingið tað inn við móðurmjólkini. Pápi mín - Carl Mikkelsen - spældi bridge frá 1970”- árunum, og tað fyrsta, eg kann minnast, var bridge-kappingar í Auluni í studentaskúlanum í Hoydølum, har eg sjálvur byrjaði við at passa kioskina. Gloymi ongantíð, at Kári sum hevði kioskina (haldi hon nevndist Aldubáran) omanfyri Skipasmiðjuna í Havn, kom at keypa frá mær í Hoydølum - hann var ein rættur Kioskmaður. Og tá brúkti man pengaseðlar og myntir.”

Takk fyri, Arne. Góða eydnu í Dubrovnik, tit allir samlir!!

 

Føroysk landslið í SFG

Budapest 2018

Novi Sad 2019

Vilnius 2021

Larnaca 2022

Tallinn 2023

Bucharest 2025

 

Leinki til SFG

Kroatiska heimasíðan 2026

BBO (Rama)

Føroyskir landsliðsleikarar (samanteljing)

Budapest 2018 (spøl og frásøgn)

SFG spælistøð og vinnarar 

Skrivað: Arnbjørn Sivertsen

Seinastu tíðindi

17. nov 2026

EM fyri tey smáu

15. nov 2026

Birita og Símun endurvunnu FM blandað pør

14. nov 2026

FM Veteranar 2026 /­ 27

23. okt 2026

FM BLANDAÐ PØR 2026 /­ 27