Bridge í kvøldskúlanum

Kvøldskúlin í Havn

Kvøldskúlaskeið í bridge í Havn árið 2021-2022

 

Skeið fyri byrjarar

Skeiðið verður í Bridgehúsinum mánakvøld kl 19.00 - 21.35. Vit byrja mánakvøldið 27. september og halda fram til páskir. Lærari verður Arnbjørn Sivertsen. Tilmelding fer fram í kvøldskúlnum í døgunum frá 30. august til 5. september: https://kvoldskulin.fo/courses/651

Lýsing av skeiðnum
Byrjað verður heilt frá grundini, so tey, sum ikki eru von at spæla kort, eisini kunnu vera við. Eitt vanligt kvøld fer fram soleiðis. Fyrstu løtuna - í mesta lagi 30 minuttir - tosa vit um dagsins evni, sum næmingarnir hava lisið uppá í læruheftinum. Uppgávur verða svaraðar og dømi tikin á talvuni. Síðan er stuttur kaffisteðgur, áðrenn vit spæla spøl, sum eru løgd til dagsins evni. Vanliga spæla vit umleið 8 spøl. Á byrjaraskeiði er ikki neyðugt at hava ein fastan makkara.

Lesihefti
Lesihefti, sum er á føroyskum, letur skúlin ókeypis til hvønn næming. Heftini vit vanliga nýta eru hesi:

EITT GRUNDSKEIÐ Í BRIDGE: https://bridge.fo/upload/tinymce/8b450c9643b1988116057d2e2d13cdf3609a1425.pdf

SPÆLITEKNIKKUR - SPÆLFØRING OG MÓTSPÆL:  https://bridge.fo/upload/tinymce/bd100b963db607ffc810c05244725d6d2c38c337.pdf

 

Framhaldsskeið

Hetta skeið verður í Bridgehúsinum mikukvøld kl 19.00 - 21.35 og er fyri tey, sum eru liðug við grundskeiðið, men eisini fyri royndar bridgespælarar. Vit byrja mikukvøldið 29. september. Skeiðið er býtt í 4 partar, har hvør partur er mettur at vara millum tríggjar og fimm vikur. Tilmelding fer fram í kvøldskúlnum í døgunum frá 30. august til 5. september:  https://kvoldskulin.fo/courses/652

  • 1. partur: Endurtøka og skipanarkort
  • 2. partur: Majorstuðul
  • 3. partur: Slemmáhugi
  • 4. partur: Kappingin um kontraktina

1. partur: Endurtøka og skipanarkort
Her fara vit at minna okkum á, tað sum vit hava lært og skipa tað betur. Makkararnir læra at skriva sínar avtalur inn í eitt skipanarkort.
Lesihefti: https://bridge.fo/upload/tinymce/550c0d8ca5413999357b21fecadc5d282065c01f.pdf

2. partur: Majorstuðul
Her læra vit nakrar av teimum vanligastu avtalunum, sum flestir royndir bridgespælarar nýta í kappingum. Avtalurnar eru Bergen Raises, Bekkasin og Splinter.
Lesihefti: https://bridge.fo/upload/tinymce/d57e505082efd9bd7000cbbbec29b7910c82d479.pdf

3. partur: Slemmáhugi
Hesin parturin snýr seg um, hvussu vit betur skyna á, nær vit skulu melda slemm, og nær vit ikki skulu, hóast kortini tykjast vera nóg góð. Avtalur, ið nýttar verða, eru Fjórði Litur, Cuebid og RKC-1430.
Lesihefti: https://bridge.fo/upload/tinymce/d9d9652dd888207f24d96bb9d7eb7ce9b1ad44da.pdf

4. partur: Kappingin um kontraktina
Her finna vit nøkur av teimum meldiamboðunum, sum royndir spælarar nýta, tá ið bæði pørini melda og kappast um at fáa kontraktina. Amboðini eru nógv, t.d. innmeld, sperrumeld, tak-út-duplingar, Michaels Cuebid, DONT, Cappelletti, Negativ dupling, Lebensohl, Unassuming Cuebid og fleiri. Hesin fjórði parturin av skeiðnum man vera tann, ið varar longst.
Lesihefti: https://bridge.fo/upload/tinymce/44157e2cdd4b8068c8ddab7c0def71d8550671eb.pdf

Afturat øllum hesum er ætlanin av og á at tosa um spæliteknikk av ymsum slagi.