Skúlabridge

Kanska áttu vit at skapt betri rúm fyri teimum ungu í Bridgehúsinum í Havn og aðrastaðni í landinum. Í løtuni spæla bara heilt fáir ungdómar bridge í Føroyum. Í 2017 vóru royndir gjørdar við bridge í føroyskum fólkaskúlum. Næmingum dámdi tað væl, og áhaldandi verður arbeitt við at fáa bridge regluliga inn í skúlarnar. Nú í 2023 er bridge komið við sum serligt tilboð í skúlan í Klaksvík og í Eysturskúlan. Harafturat hava nógvir tannáringar gingið til bridge í Tórshavnar kvøldskúla síðstu árini. Nú manglar bara, at feløgini skipa eina ungómsdeild, so tey ungu fáa høvi at venja og kappast. 

Fyri 30 árum síðan høvdu vit nógvar ungar bridgespælarar. Í árunum millum 1993 og 2001 sendu vit fleiri ferðir ungdómslandslið við til NM kappingar. Er viljin til staðar, megna vit hetta einaferð enn.