Leygardagin 25. januar 2025 vóru trý tey seinastu umførini í grundspælinum í føroyameistarakappingini fyri lið leikt í Bridgehúsinum í Gundadali.

Úrslitini frá teimum trimum umførunum, sum leikt vórðu hetta vikuskiftið vóru hesi:

Endaliga støðan eftir tey 9 umførini í grundspælinum gjørdist hendan:

Farið verður nú undir endaspælið, og greitt er at A-bólkurin og B-bólkurin vera mannaðir við hesum liðum:

A-bólkurin:Byggitilfar, Jóannes Mouritsen, Símun Lassaberg, Rútar 7.

B-bólkurin: Jassarnir, Suðuroyar Bridgefelag, Hallur Ellingsgaard, Henriette Svenstrup, Ace Beo og Jet Jam.

Liðini fáa sum kunnugt ¼ av teimum stigum, ið hesi hava fingið í innanhýsis dystunum móti liðunum, sum koma í sama bólk, við sær til endaspælið. Byrjunarstøðan í endaspælinum er sostatt hendan:

Í endaspælinum hittast liðini í A-bólkinum 2 ferðir í innanhýsis dystum á 32 spøl, meðan endaspælið í B-bólkinum verður avgreitt á tann hátt, at liðini hittast 2 ferðir í innanhýsis dystum á 16 spøl.

Vinnarin av A-bólkinum verður føroyameistari, meðan vinnarin av B-bólkinum gerst bólkavinnari.

Fyrstu umførini í endaspælinum í FM kappingini fyri lið verða leikt í Bridgehúsinum í Gundadali leygardagin 22. februar 2025, og byrja verður sum vanligt kl. 12.00.

Komandi kapping á skránni hjá Føroya Bridgesambandi er FM-kappingin fyri kvinnur, sum verður leikt í Bridgehúsinum í Gundadali í vikuskiftinum 7-8. februar 2025.