Samstundis er avgerð tikin um í staðin at skipa fyri eini online Norðurlandameistarakapping í døgunum 29. – 30. mei 2021 frá kl. 09.00 – 18.00. Í kappingini er møguleiki fyri at melda lið til í hesum bólkum:

•  Opin rekkja
•  Kvinnur
•  Seniorar
•  Blandað (mix)
•  Junior undir 16
•  Junior undir 26

Kappingin verður leikt á RealBridge plarforminum, og hvør einstakur leikari hevur ábyrgdina av at taka støðugt netsamband umframt mikrofon og kamera.

Hvørt lið kann hava upp til 8 leikarar. Spældir verða 5 dystir á 24 spøl (2x12), har møguleiki er fyri at skifta út í hálvleikinum.

Um undirtøka er fyri hesum, hevði verið stuttligt at melda lið til í ávikavist opnari rekkju, kvinnuraðnum og í senior-raðnum.

Heitt verður á áhugaði um at boða frá luttøku í seinasta lagi sunnudagin 11. apríl 2021, kl. 18.00.  Vinarliga tilskilið hvørjum av omanfyri nevndu røðum tit ynskja at luttaka í (Opin, Kvinnur, Senior).

Vinarliga

FBS