Aftur til tíðindasavn

FBS sendir ikki umboð til Kjördæmamótið 2022

07 apr 2022

Ov fáar tilmeldingar komu til Kjördæmamótið, tí sendir FBS ikki umboð á hesum sinni.

 

Kjördæmamótið verður leikt á Akureyri í døgunum 21-22. mai 2022.

FBS hevur tikið avgerð um at luttaka í hesi kapping við einum liði. Eins og undanfarin ár verður liðið manna við 8 pørum (16 spælarum) ið leika á 1-4 borði.

Farið verður úr Føroyum við Atlantsflog fríggjadagin 20. mai 2022, kl. 10.30 og komið verður heim aftur mánadagin 23. mai 2022, kl. 14.10. Koyrt verður millum Keflavík og Akureyri við 4 leigubilum, og skulu vit sostatt hava í minsta lagi 4 bilførarar.

Viðvíkjandi gisting verður í løtuni bíða eftir at fyriskipararnir greiða frá hvørjir møguleikar eru. Í tann mun tað er gjørligt verður hædd tikin fyri ynskjum um einkult-kømur, sum tó møguliga kemur at hava við sær ein eyka kostnað sum vit ikki kenna í løtuni. Tískil hevði verið gott um áhugaðir leikarar kundu boða frá hvørt teir ynskja at sova í einkult-kamari.

Sum kunnugt er ein reglugerð ið ásetir hvussu hópurin til Kjördæmamóti skal mannast. Talan er tó um eina lutfallsliga gamla reglugerð, ið ikki verður mett at vera tíðarhóskandi. Tískil hevur nevndin í FBS tikið avgerð um at tað skal standa øllum spælarum frítt at boða frá hvørt teir eru áhugaðir í at luttaka í Kjördæmamótinum 2022. Tó verður mælt til at boða verður frá sum par og ikki sum einstaklingur.

Heitt verður á allar áhugaðar spælarar um at boða FBS frá við telduposti til bridge@bridge.fo í seinasta lagi 1. apríl 2022.

Nevndin í FBS úttekur endaliga hópin, og verður nevnda reglugerð nýtt vegleiðandi í hesum sambandi. Hópurin verður kunngjørdur 11. apríl 2020.

Eins og undanfarin ár er egingjaldið ásett til kr. 3.000 pr. persón, meðan FBS rindar restkostnaðin. Egingjaldið skal rindast á konto 9181-1744730 í Betri Banka í seinasta lagi fríggjadagin 22. apríl 2022.

Skrivað: Oluf Müller

Seinastu tíðindi

13. mai 2022

Føroyskt lið til NM

26. apr 2022

Eykaumboðsfundur

24. apr 2022

Liðið hjá Allan Dal-Christiansen eru føroyameistarar fyri lið

19. apr 2022

FM-Lið