Eitt nýtt bridge-kappingarár stendur fyri framman og leygardagin 23. septembur 2023 vóru fyrstu umførini í føroyameistarakappingini fyri lið leikt í Bridgehúsinum í Gundadali.
Hetta kappingarárið eru 10 lið við í kappingini. Føroya Bridgesamband hevur avgjørt at skipa FM-kappingina fyri lið soleiðis, at fyrst verður leikt eitt grundspæl, har øll liðini møtast eina ferð í innanhýsis dytstum á 20 spøl. Í grundspælinum verða sostatt leiktir 9 dystir á 20 spøl.
Síðani verður farið til endaspælið, har liðini verða býtt upp í 2 bólkar. 4 tey fremstu liðini í grundspælinum koma í A-bólkin, meðan hini 6 liðini koma í B-bólkin.
Í endaspælinum hittast liðini í A-bólkinum 2 ferðir í innanhýsis dystum á 32 spøl, meðan endaspælið í B-bólkinum verður avgreitt á tann hátt, at liðini hittast 2 ferðir í innanhýsis dystum á 16 spøl.
Vinnarin av A-bólkinum verður føroyameistari, meðan vinnarin av B-bólkinum gerst bólkavinnari.
Úrslitini frá teimum trimum fyrstu umførunum í grundspælinum vóru hesi:
Umfar 1:
| Byggitilfar – Hallur Ellingsgaard | 20,00 – 0,00 |
| Jassarnir – Blanda Bomm | 11,08 – 8,92 |
| Rútar 7 – Henriette Svenstrup | 12,07 – 7,93 |
| Snekkjurnar – Rinkuhúsini | 5,06 – 14,94 |
| Jóannes Mouritsen – Dia og Kúllarnir | 18,91 – 1,09 |
Umfar 2:
| Hallur Ellingsgaard – Dia og Kúllarnir | 0,01 – 19,99 |
| Rinkuhúsini – Jóannes Mouritsen | 1,57 – 18,43 |
| Henriette Svenstrup – Snekkjurnar | 13,20 – 6,80 |
| Rúar 7 – Blanda Bomm | 20,00 – 0,00 |
| Byggitilfar – Jarrarnir | 20,00 – 0,00 |
Umfar 3:
| Jassarnir – Hallur Ellingsgaard | 4,07 – 15,93 |
| Rútar 7 – Byggitilfar | 9,45 – 10,55 |
| Snekkjurnar – Blanda Bomm | 11,08 – 8,92 |
| Jóannes Mouritsen – Henriette Svenstrup | 18,73 – 1,27 |
| Dia og Kúllarnir – Rinkuhúsini | 13,81 – 6,19 |
Støðan eftir fyrstu 3 umførini er hendan:
| 1. Jóannes Mouritsen | 56,07 stig |
| 2. Byggitilfar | 50,55 stig |
| 3. Rútar 7 | 41,52 stig |
| 4. Dia og Kúllarnir | 34,89 stig |
| 5. Snekkjurnar | 22,94 stig |
| 6. Rinkuhúsini | 22,70 stig |
| 7. Henriette Svenstrup | 22,46 stig |
| 8. Blanda Bomm | 17,84 stig |
| 9. Hallur Ellingsgaard | 15,94 stig |
| 10. Jassarnir | 15,15 stig |
Komandi 3 umførini í grundspælinum í FM kappingini fyri lið verða leikt í Bridgehúsinum í Gundadali leygardagin 5. novembur 2023 og byrja verður kl. 12.00. Tá verður m.a. oddadystur millum liðini hjá Jóannes Mouritsen og Byggitilfar.
Seinastu tíðindi
FM-Pør
Liðið hjá Byggitilfar er føroyameistari
Sterkir norrmenn vunnu Tórshavnar Bridgefestival
