Frálæra í bridge

 

Grundskeið í bridge

Arnbjørn Sivertsen skrivar:

Við donsku lærubókini SPIL BRIDGE 1 sum fyrimynd hava vit gjørt eitt hefti á føroyskum til øll, sum vilja læra at spæla bridge frá grundini. Heftið er í 11 pørtum og er ætlað sum eitt grundskeið í bridge. Til hvønn kapittul er eitt Powerpoint við talvum til læraran at brúka.

 

 

 

Grundskeið í bridge. Lesihefti til næmingin:

Vit læra at spæla bridge! (pdf)
Spæliteknikkur - spælføring og mótspæl (pdf)

 

Powerpoint til læraran:

Kap. 1 - innførsla - Hvat er bridge? (pptx)
Kap. 2 - deilkontrakt, útgangur og slemmur (pptx)
Kap. 3 - góð ella ring kort? (pptx)
Kap. 4 - makkarin opnar 1NT (pptx)
Kap. 5 - vit opna við einum liti (pptx)
Kap. 6 - opnari meldar aðru ferð (pptx)
Kap. 7 - svarari meldar aðru ferð (pptx)
Kap. 8 - innmeld (pptx)
Kap. 9 - tak-út-dupling (pptx)
Kap. 10 - sterkar hendur (pptx)
Kap. 11 - veikar hendur - sperrumeld (pptx)

 

Mótspælið

Arnbjørn Sivertsen skrivar

Bókin "How the Experts Win at Bridge" skrivað av Burt Hall og Lynn Rose-Hall kom út í 1996. Í 2002 kom bókin út á donskum týdd av Dorte Cilleborg, "Hvordan eksperterne vinder i bridge". Avgjørt ein bók til allar bridgespælarar, ið ætla sær at gerast betri og at vinna kappingar. Her havi eg týtt til føroyskt ein lítlan part av bókini, sum snýr seg um mótspæl.

Mótspælið

Mótspælið - Power Point (talvur og spøl) til læraran

Ymiskt lærutilfar um bridge

 

Danskt/føroyskt lesitilfar fyri nýbyrjarar: Lær bridge

"Bridge - må vi ha´ lov"? av Villy Dam týtt til føroyskt av Arnbirni Sivertsen: "Bridge - kom og spæl"!

Læruríkar greinar um spælføring:

 

 

Betri mótspæl

Mótspælið er ein týðandi men í undirvísingarhøpi ofta gloymdur partur av bridgespælinum. Annaðhvørt spæl sita tú og makkarin í mótspæli, og hava tit góðar avtalur og nýta vit og skil, er nógv at vinna í mótspælinum. Góðar bøkur eru skrivaðar um hendan partin av bridge. Ein bók, sum mær dámar væl, tí hon er greið og løtt at skilja, er bókin "How to Defend a Bridge Hand" skrivað av amerikanska bridgelæraranum William S. Root. Einasta avbjóðing við bókini er, at hon hevur meira enn 400 síður. Men hon er væl skipað í ymsar tættir av mótspælinum og skrivað í 10 pørtum. Mær dámdi so væl hesa bókina, at eg til stuttleika setti meg at týða hana, so vit her á landi eisini kunnu fáa gleði av henni og møguliga brúka hana, ella partar av henni, á onkrum bridgeskeiði. Enn eru bara tveir av teimum tíggju pørtunum í bókini týddir, men eg velji kortini at leggja teir út her, og vóni at onkur lesur og fær gagn av teimum. 

 

Bókin er býtt upp í hesar 10 partarnar:

1. Útspælið

2. Triðja hond

3. Útspøl seinni í spælinum

4. Aðrir mótspælsteknikkir

5. Onnur hond

6. Kall og avvísing

7. Markeringar

8. Trumfingar

9. Avkast og villleiðing

10. Aðrar mótspælsavtalur og blandaði spøl

 

 

Nýggjar bridgespælarar?

Her fara vit at leggja inn hugskot og tilfar um, hvussu vit fáa fleiri bridgespælarar í Føroyum. Serligt atlit verður tikið til at fáa ungdómin at spæla bridge.

 

 

Bridgeskúlin í Havn 2019-20

Skeið fyri byrjarar er í Bridgehúsinum hvørt mánakvøld kl 19-21. Hóast frálæran er fyri nýggjar spælarar, eru royndir spælarar vælkomnir at taka lut og nýta mánakvøld sum venjingarkvøld ella seta seg við eitt borð saman við næmingunum og leggja lag á. Umframt at læra um bridge leggja vit stóran dent á, at hesi kvøldini gerast hugnalig fyri øll, sum møta upp. Vit byrjaðu um miðjan september og halda fram gjøgnum veturin til páskir. 

Bridgeskúli á Giljanesi 2019-20

Vága Bridgefelag hevur fingið bridge við í kvølskúlanum í Vágum. Jákup Egholm, formaður í felagnum, stendur fyri tiltakinum, og hevur fingið Arnbjørn Sivertsen vestur at skipa fyri frálæruni. Skúlin byrjaði seinast í oktober og er hvørt týskvøld kl. 19.00-21.30. Higartil hava vit verið tvey ella trý borð. Nýggir næmingar og royndir bridgespælarar eru altíð vælkomnir at taka lut. Skeiðið endar einaferð í februar.