Verandi støða, við so nógvum smittaðum við Corona í løtuni, ger, at nevndin í Havnar Bridgefelag metur tað ikki vera ráðiligt at spæla bridge í Bridgehúsinum komandi hóskvøld.

Nevndin, saman við kappingarleiðaranum, hevur í staðin gjørt av at spæla á Realbridge komandi hóskvøld. Hetta kvøldið verður spælt 5. umfar í kappingini, har møguleiki er at vinna luttøku á Reykjavík Bridgefestivali, sum verður síðst í januar 2022.

Hetta er ikki fyrsta ferðin, at Havnar Bridgefelag velur at flyta kappingina út á internetið. Seinasta hóskvøld varð liðkappingin spæld á Realbridge og sigast má, at tað virkaði avbera væl.

Sjálvandi verður tað ongantíð tann sami hugnin tá limir ikki kunnu møtast "face to face", men hetta alternativið má to sigast at vera nógv betri enn alternativið, sum er at avlýsa/ útseta kappingina.

Leinkjan til login er her