Aftur til tíðindasavn

Føroyska landsliðið stendur seg væl í altjóða kapping á BBO

12 des 2019

Vunnu í 1/8 finaluni á walisiskum liði úr Aberystwyth

Tórshavn - Aberystwyth           81 - 39

 

    Tey seinast árini hava okkara landsliðsleikarar javnan spælt venjingardystir á BBO í sambandi við fyrireikingar til luttøkuna í altjóða kappingum so sum NM, EM og Small Federations Games.

    Tá liðið fyrireikaði seg til SFG í Serbia í oktober, fekk landsliðsvenjarin, Símun Lassaberg, liðið hjá okkum við í eina kapping, ið nevnist BBO InterCity League. Vit sluppu við, tí eitt av liðunum í kappingini gav avboð.

    Føroyska liðið vann sín bólk í innleiðandi umfarinum, og kvalifiseraði seg til 1/8 finalurnar, sum eru knock-out dystir við 24 spølum.

    Hesin dysturin móti liðnum úr Aberystwyth í Wales varð leiktur í kvøld 11. desember á BBO. Tað føroyska liðið, ið spælir undir navninum ”Tórshavn”, var mannað við Arna Mikkelsen, Boga Simonsen, Dánjal Paula Mohr og Árna M. Dam og vann dystin ruddiliga við 81 - 39 imps. Við á bretska liðnum vóru kend bretsk bridgenøvn sum Julian Pottage, Paul Lamford og Mark Roderick.

    Við sigrinum hevur føroyska liðið spælt seg í 1/4 finalurnar, sum verða leiktar á BBO næsta mikukvøld kl 20 føroyska tíð.

 

Skrivað: Arnbjørn Sivertsen

Seinastu tíðindi

22. mar 2024

FM-Blandað Pør

18. mar 2024

Bridge: Byggitilfar er steypavinnari 2024

12. mar 2024

Íslendskur sigur í bridgekapping í Havn

11. mar 2024

Steypakappingin Hálvfinalur og finala